ياسيد البلاد

ياسيد البلاد ماتسيب العباد ...دى العيشه رديه
ماسك ليه كرباج لما الشعب هاج.......ارحمهم شوية
تسرق منى القوت وتفعص فى التوت....وتاخدنى بونيه
تلعب بيا الكوره وتقطع لى الصوره.....وفاكرنى هفيه
اصبر لما يجيلك ابنى وح يوريلك....طلعاته القويه

سلامات ياأهل بلدى

سلامات ياأهل بلدى...سلامات .. سلامات...
تمشى الأيام تعدى ....أحزان ويا أهات..
وتبوس ايدكو الندامة..وتبكيكو الملامة..
وتبات ف الفرش حكمة ...أصل الانسان سكات.
شيل همك يابن بلدى..وبلاش عنده تهدى..
أصل السلطان ضمير..وضميره خد وهات.